பான் ஆசியா வங்கி, லங்கா சுகர் கம்பனி, விவசாய காப்புறுதிச் சபை மற்றும் பார்ட்லட் கம்பனி ஆகியன கரும்பு விவசாயிகளுக்கு தெளிப்பு நீர்ப்பாசன தீர்வுகளை வழங்குவதற்காக அரச மற்றும் தனியார் பங்களிப்புடன் வரலாற்று முக்கியத்துவம் வாய்ந்த ஒரு உடன்படிக்கையில் கைச்சாத்திட்டன. உள்ளூர் சீனி உற்பத்தியை அதிகரிப்பதற்காக தெளிப்பு நீர்ப்பாசன தொழினுட்பத்தின் ஊடாக உள்ளூர் கரும்பு விவசாய சமூகத்திற்கு நன்மை பயக்கும் முகமாக பன் ஆசியா வங்கி தனது மொனராகலை கிளையின் ஊடாக இன்னுமொரு விசேட நிதி கருத்திட்டத்தை ஆரம்பித்துள்ளது. பான் ஆசியா வங்கி இந்த திட்டத்தைத் தொடங்குவதற்காக தேர்ந்தெடுக்கப்பட்ட 65 விவசாயக் குடும்பங்களுக்கு தெளிப்பு நீர் உபகரணங்களை கொள்வனவு செய்வதற்கான கடன் நன்மைகளை வழங்கியது. 10 வருட உத்தரவாதத்துடன் கூடிய தொழில்நுட்ப ஆலோசனை மற்றும் தெளிப்பு நீர் உபகரணங்களையும், கமநல காப்புறுதிச் சபையின் ஊடாக கரும்புச் செய்கைக்கான விசேட காப்புறுதியையும் வங்கி வழங்கியுள்ளது. பான் ஆசியா வங்கி, பெல்வத்த லங்கா சுகர் கம்பனி மற்றும் பார்ட்லெட் ஆகியன இது தொடர்பான புரிந்துணர்வு உடன்படிக்கையில் கைச்சாத்திட்டுள்ளன. விவசாயிகளை வழிநடத்துதல், புதிய தொழில்நுட்ப நீர் வழங்கல் உத்திகளை அறிமுகப்படுத்துதல் மற்றும் உயர்தர உபகரணங்களை வழங்குதல் ஆகியவற்றை மையமாகக் கொண்ட ஒரு சிறப்பு சலுகை கடன் திட்டத்தை அறிமுகப்படுத்த பான் ஆசியா வங்கி நடவடிக்கை எடுத்துள்ளது.