செய்திகளும் நிகழ்வுகளும்

உன்னதமான உள்நாட்டு வங்கி என்ற வகையில் நாட்டிற்கான அதன் அர்ப்பணிப்பை நிலைநிறுத்தும் வகையில், பான் ஆசியா வங்கி அண்மையில் குருநாகல் மாவட்டத்தின் பாலகொல்ல வசம பிரதேசத்தில் உள்ள மகாவெவ வாவியை புனரமைப்பதற்கான பணிகளை நிறைவு செய்தது. இக்குளமானது எகொடகம என்ற தொலைதூர கிராமத்தில் அமைந்துள்ளது, அங்கு ஏராளமான குடும்பங்கள் பிழைப்புக்காக நெல் விவசாயத்தை நம்பியுள்ளன. இக்கிராமத்தில் முறையே 19 மற்றும் 4 ஏக்கர் நிலப்பரப்பில் உள்ள மகாவெவ மற்றும் முஹுன்வெவ ஆகிய இரண்டு வாவிகள் மட்டுமே மண் மற்றும் ஈச்சோர்னியா செடிகளால் மூடப்பட்டு பாழடைந்து போயிருந்தன. இதன் விளைவாக, நீர் கொள்ளளவு உண்மையான கொள்ளளவில் 20% ஆக குறைந்து, நெல் விவசாயிகளை எதிர்மறையாக பாதித்தது.

இதன் பிரதிபலிப்பாக, பான் ஆசியா வங்கியானது குளங்களை சுத்தம் செய்தல் மற்றும் புனரமைத்தல் என்பவற்றை வெற்றிகரமாக மேற்கொண்டு, மொத்த கொள்ளளவில் 100% நீர் கொள்ளளவை அதிகரித்து, அதன் மூலம் 140 ஏக்கருக்கும் அதிகமான நெற்பயிர் வயல்களில் பயிரிடும் நெற்பயிர் விவசாயிகள் பயனடைந்தனர். இந்த முன்முயற்சிக்காக வங்கி ரூ.4,590,000 முதலீடு செய்தது.

இந்த கருத்திட்டமானது வங்கியினால் மேற்கொள்ளப்படும் முதலாவது கருத்திட்டமாகும் என்பதுடன் அத்தகைய முதலாவது அரச மற்றும் தனியார் பங்காளித்துவமாகும். இழந்த இயற்கை பாரம்பரியத்தை மீட்டெடுக்கும் பல பசுமை முயற்சிகளுக்கு பான் ஆசியா வங்கி உறுதிபூண்டுள்ளது. கிராம சமூகத்திற்கு ஆதரவளித்ததில் மகிழ்ச்சி அடைந்த பான் ஆசியா வங்கியின் மூத்த நிர்வாகிகள் மற்றும் ஊழியர்கள் மற்றும் பிற அதிகாரிகள் இந்த திட்டத்தின் நிறைவைக் குறிக்கும் நிகழ்வில் கலந்து கொண்டனர். இதில் நிமல் திலேகெரட்ன - பான் ஆசியா வங்கியின் நிர்வாக இயக்குனர்/ தலைமை நிர்வாக அதிகாரியும் அடங்குவர். கே.டி.என். சிறிவர்தன – நீர்ப்பாசன பணிப்பாளர் நாயகம்; ஜகத் டயஸ் – ஓய்வூதிய பணிப்பாளர் நாயகம்; W K S விக்கிரமபால – பணிப்பாளர் சொத்துக்கள் முகாமைத்துவம் – நீர்ப்பாசனத் திணைக்களம்; நலீன் எதிரிசிங்க – Snr.DGM-Pan Asia Bank; திரு.கே.பி.வி.இந்திரபால – நீர்ப்பாசன பணிப்பாளர் நாயகம் – குருநாகல் மாவட்டம்; நாலக சிறிவர்தன – ஏ.எஸ்.பி – மஹவ பிரிவு; A A P A குலதுங்க – OIC – பொய்ப்பிட்டிகம; டி.எம்.டி.எஸ். ரத்னாயக்க – பிரதேச பொறியியலாளர் நீர்ப்பாசனம் – ஹிரியல பிரிவு; ஜி.ஆர்.ஐ.எஸ்.கம்லத் – பொறியியல் உதவியாளர் – ஹிரியல பிரிவு; பிரசன்ன பண்டார – RM – பகுதி வடமேற்கு; விந்திய விக்கிரமகே – முகாமையாளர் – சம்மன மற்றும் அடகு வைத்தல்; துஷாரி மஹிந்தபால – முகாமையாளர் – குருநாகல் கிளை; தலைமை அலுவலக சம்மான அலகு உறுப்பினர்கள்; சம்மான ஒருங்கிணைப்பாளர்கள் மற்றும் பாலகொல்ல பிரதேச கிராம மக்கள்.

நாட்டின் பசுமை வங்கி என்ற வகையில், பான் ஆசியா வங்கியானது, நாட்டின் சுற்றாடலை மேம்படுத்துவதற்கும் பாதுகாப்பதற்குமான வங்கித்தொழில் மற்றும் ஏனைய முன்முயற்சிகளில் சுற்றாடல் நட்புறவான அதன் முன்னோடி திட்டங்களுக்காக உள்நாட்டிலும் பூகோள ரீதியிலும் அங்கீகரிக்கப்பட்டுள்ளது.

உன்னதமான உள்நாட்டு வங்கி என்ற வகையில், பான் ஆசியா வங்கி அடிமட்டத்திலும் பொருளாதார பிரமிடுகளின் உச்சியிலும் உள்ள மக்களின் தேவைகள் குறித்து கூர்மையாக அறிந்திருக்கிறது - மேலும் அவர்களின் கவலைகளை நிவர்த்தி செய்வதற்கும் அவர்களின் அபிலாஷைகளை நிறைவேற்றுவதற்கும் வங்கித் தயாரிப்புகள் மற்றும் தீர்வுகளை எப்போதும் வடிவமைத்துள்ளது.